... og fulla skál af beikoni

Við Áslaug grenjuðum úr hlátri í vinnunni í kvöld þegar við vorum að spyrja einn unglinginn okkar, sem ætti að vera heiðursdlís, um uppáhaldsmatinn sinn. Það voru nokkrar kökutegundir, rjómi, flatbrauð og fleira og svo það besta full skál af beikoni. Viltu stökkt eða mjúkt beikon? Bara blöndu af bæði. Hann er alveg nýja uppáhaldið okkar.
Annars er búið að vera góð vinnutörn í vinnunni og ég er frekar þreytt núna. Samt búið að vera gaman.
Veit ekki hvað er í gangi, mér finnst ég bara ekki fá neinar blogghugmyndir. Ætla að leggja höfuðið í bleyti og reyna að blogga skemmtó bráðum.

kisses

Monsi

Herra Monsi er svo fallegur!!!

Fleiri myndir hjá Steinari og Gunnari.

baby boy baby boy baby boy

Sara Hlín og Kristinn Logi eru síðan frá um kl 14 í dag nýbakaðir og stoltir foreldrar. KiddaSöruson fæddist í dag, 9. nóvember. JEEEEYYYYYYYYYYYYYY!
Hlakka svo mikið til að hitta hann!!! Til hamingju allir með nýja strákinn xxx

and please tell Joey Christmas will be SNOWYYY

7. 11 kom og fór og ekkert gerðist, greinilegt að þessi krakki er ekki kúl... nema hann sé of kúl. Gæti verið. Mamman to be var að segja mér að hún verður sett af stað á morgun verði ekkert farið að gerast þannig að nú fer þetta að styttast, sama hvort Söruson the second sé tilbúinn eður ei.
Var frekar mygluð í morgun, dimmt og snjókoma og bíllinn ískaldur þegar ég fór í ræktina. Keyrði með stírurnar í augunum og geispaði stanslaust, bílstjórinn í næsta bíl hefur líklega tekið eftir hversu sybbin ég var og ákveðið að hressa mig við með því að reyna að keyra inn í hliðina á mér. Mér brá svo hrikalega að hjartslátturinn rauk upp og ég var glaðvöknuð og svo gott sem búin að hita upp þegar ég mætti :) Ellen var víst með þetta á hreinu þegar hún sagði “People always ask me, 'Were you funny as a child?' Well, no, I was an accountant.” neeeiii djók ekki þetta quote heldur (man ekki nklega textann) en hún var að tala um í staðinn fyrir að fara í ræktina stæði hún á götunni og léti vin sin keyra á milljón beint að henni og snarhemla svo rétt áður en bílinn lenti á henni, það kæmi hjartslættinum upp og tæki enga stund :)
Ég er búin að skemmta mér svo vel undanfarna daga að elda fyrir annað fólk. Á sunnudaginn hjá Hildi, á mánudaginn hringdi ég svo í Gu systur og sagði henni hvað hún ætti aðversla svo ég gæti komið í mat og eldað... gerði mexíkósku súpuna og svo fór ég til Áslu í gær sem var lasin og bjóttaði til speltpítsu. Þannig að ef einhver vill bjóða mér í mat og láta mig elda, þá látið mig vita :)
jibbí kóla, það snjóar svo fallega núna. Hausinn á mér er byrjaður að syngja jólajólajólajólajólajól hey!

Nelly and Ellen- Hot in Here

hahaha mér finnst Ellen frábær

rólegt

Siggi sæti kom í pössun um daginn til mín, hann stóð að sjálfsögðu undir nafni sem sá Sætasti því hann var klæddur í bámsagalla...
En biðin heldur áfram eftir næsta dlísaprinsi, Hlínster er komin 10 daga framyfir og hann bærir ekki á sér. Mitt dagsetningargisk er núna 7. nóv eða...
Annars er lífið ósköp venjulegt hjá mér þessa dagana. Ég held ég hafi sofið meira en ég vakti um helgina, í svona veðri þá barasta slokknar á mér. Ég var gjörsamlega óstarfhæf. En það var líka rosa kósý. Á föstudaginn kíkti ég út í 2 bjóra með Heiðrúnu og Láru, en annars var ég bara að dunda mér heima við. Það er svo lovely að eiga svona "naked alone time" jafnvel þótt ég hafi verið í náttfötum :)
Hildur mín kom svo heim frá NYC í gær, hún hringdi í mig þegar ég var að leita mér að kvöldmat í Hagkaup svo ég ákvað að finna mat handa okkur báðum og elda hjá henni. Var alveg að spá í að kaupa efni í speltpítsu með grænmeti en þá rakst ég á 2 nautapiparsteikur á útsöluverði, samtals á 800 kall... svo ég endaði á að elda piparsteik, sveppasósu, rósmarínkartöflur og salat... Ekki alveg það sama og speltpítsa en hey... þetta var sunnudagsteik :)

jámmjámmjámm.

Þessi helvítis gluggi sem poppar alltaf upp... held að orsökin sé tagboardið til hliðar, kann ekki að eyða því út, verð að senda Hildi í málið. Vona að þetta hætti þá, gjörsamlega óþolandi.

en þarf að gera mig til fyrir vinnuna, laters bebettes.

Monty Python Spanish Inquisition Part 1

Nobody expects the Spanish Inquisition!!!

bara...

Eins og allir vita að sjálfsögðu þá er 16. október World Food Day og sparidagur dlísa um allan heim. Dlísirnir inc. voru því með rosalegt festival hjá ze Mamadlis. Fordrykkur og þriggja rétta máltíð sem Chef Ramsey hefði ekki getað kvartað yfir. Svo gerðum við Áslaug, með Siggahjálp, fjölskylduportrait af Dlísamafíunni.
Við erum auðvitað sætastar í heimi :)

Annars er lífið rólegt þessa dagana. Var ógeðslega veik um daginn en er nokkurnveginn búin að jafna mig, ennþá með smá kvebbaling eeeen það er bara töff.
Svo er Saran mín komin á steypirinn, bumban gjörsamlega að springa og bara nokkrir dagar í setta dagsetningu. Litli kútur verður svo sætur, hlakka þvílíkt til að hitta hann.
Unubun er líka í Kína!!! og Gu sys fer til Kína eftir nokkra daga. Hvenær fer ég til Kína?? Ha? JÁ MÉR ER SPURN! Eins gott ég fái pakka frá Kína... annars trompast ég :) eeeh, djók.
Ég er að berjast við djammarann í mér. Var búin að ákveða að djamma ekki þessa helgi, heldur bara næstu þegar Áslutásl á ammli en núna langar mig svo mikið rétt að kííííkja og fá mér í eins og eitt glas. Úff, það er erfitt að vera skynsamur. Aldrei verið sérstaklega góð í því :)

En já, er í vinnunni og þarf að hætta. Þarf víst að vinna!! Glatað.

En kíkið á www.skokassar.net ef þið eruð gjafmild og örlát.

mánudagur 16. okt

Mánudags-internet-sörf:

og

Virtual Bubblewrap

P.S. gleðilegan World Food Day dlísir!!!

spit on it

Brainfart. Mér dettur ekkert fab í hug að segja ykkur. Ekki nema bara að helgin var friggin frábó. Vinnuliðið kom til mín á föstudaginn og við vorum svooo skemmtileg :) Fékk svo tvo næturgesti (haha, ég er soddan hot stuff) og við eyddum laugardeginum í KFC og Richard Pryor stand up. Mæli með að þið horfið á það, ég öskraði úr hlátri.
Svo var laugardagskvöldið...ég vil flytja til Wales. Áslaug, common baby skellum okkur.

æji, ætlaði að setja fyndin quotes frá Richard Pryor, það er bara ekki hægt! Hann er svona gaur sem þarf að horfa á.
Annars er lífið gott, maxin relaxin o.s.frv... Dlísirnir eru að reyna að finna dagsetningu fyrir World Food Day, sparidaginn okkar en það gengur hálf illa. Ætli þetta endi ekki með því að við förum í 2-3 manna hópum... og hittumst ekkert allar :)

Nacho Libre

Nacho Libre er svooooo fyndin mynd! Vá. Fórum á hana í vinnunni, starfsfólkið hló reyndar meira og hærra en unglingarnir eeeeeeeeen það er bara betra. Svo löbbuðum við úr Mjóddinni út í Snæló hverfið, þetta var alveg eins og í ðe gúdd óld deis.
Ég er núna að passa fyrir bróður minn, litla monsan F.A. er lasin. Hann er bara enn sofandi, þess vegna er ég að hangsa í tölvunni og vera hissa á því að það sé líf á götunum kl. 8 á morgnanna. Ég keyrði í 201 úr 105 og horfði á endalausu bílaröðina á leið inn í Reykjavík. Ég skil ekkert í fólki, þegar ég bjó í Kóp þá einfaldlega skrópaði ég í fyrsta tíma eða mætti allavega það seint að ég slapp við morguntraffíkina. Þetta er svo sáraeinföld lausn og allir græða (allir=ég).

Annars eru stærstu fréttirnar að ég er búin að kaupa mér flugmiða til Unu í Hollandi í desember. Ég fer 19. des og kem heim 2. jan. Missi alveg af jólunum þetta árið. En það er bara gaman. Held bara smá litlu jól áður en ég fer og svo stór jól í Delft. Við verðum þar á aðfangadag og í Amsterdam á gamlárskvöld, en á milli ætlum við örugglega að ferðast eitthvað. Jibbí kóla (virkilega, það er til fólk sem hefur aldrei heyrt JIBBÍ KÓLA).

úff, ég er svo tussuleg þessa dagana, með næstum því kvef, næstum því hálsbólgu og næstum því gubbupest. Er með vott af öllu og ég lít h r æ ð i l e g a út. Ojbara. Sýnir bara hversu ákveðinn líkaminn minn er að fara ekki í ræktina, ég var rétt búin að festa deit í ræktina þegar allar veikirnar dundu yfir mig. Og það er ekkert hægt að fara veikur í ræktina. Nei, þá á maður bara að drekka kók og liggja í sófanum með teppi og bunka af DVD. Haha ég held ég sé heimsins mesti aumingi.

Helgarplön: Vinna á föstudagskvöld, passa allan laugardaginn og svo í partý um kvöldið til Helgu sætu sem er orðin 25 ára!!! Sunnudagur er frátekinn í þynnku og leti.

Nú heyrist mér einhver vera að rumska svo ég ætla að kíkja á litla lasaling.
Hug hug kiss kiss hug hug big kiss little hug kiss kiss little kiss.

ÞAÐ ER ALVEG SATT

moving day

Þrátt fyrir að allir starfsmenn Eimskipa hafi lagst á eitt um að hindra Guðrúnu og Snorra í að fá gáminn sinn afhentan tókst þeim í dag, eftir mikið stríð við skrifstofublækur, að fá hann. Því var einn og hálfur her ræstur út til að tæma þennan 40 feta geim í Garðabænum. Við unnum sleitulaust og af kappi og tæmdum hann á mettíma. Síðan hófumst við handa við að raða húsgögnum og tæma kassa... Ég fór offorsi í eldhúsinu og fékk nýtt viðurnefni, kryddfasistinn þar sem ég gerði svo mikið grín að Guðrúnu fyrir að flytja heim 4 hálftóma karrýbauka, 3 útrunnar lyftiduftsdósir og 7 mismunandi vanillubragðbæta o.s.frv. og svo henti ég miskunnarlaust öllu sem var ofaukið (nema einu karrýi sem ég hirti sjálf...). Svo fórum við í ammlismat til mömmusín í lax og köku, mjööööög tasty. Síðan ákváðum við Gu að kíkja aftur upp í hús að halda áfram, kósý systrastund að taka upp úr kössum og hlæja að geðveikinni í "the moving guys", þeim sem Guðrún réði til að pakka niður dótinu úti. Ótrúlegustu hlutir komu undan fargi af pappír og plasti. Ég var alveg komin á það að gera góðan drykkjuleik úr þessu, hvað kemur úr þessari pappírshrúgu? T.d. komu tvær litlar ljósaperur úr einni pakkningunni, þegar ég opnaði aðra hrundu allir pennarnir úr, skópari var vandlega pakkað inn í pappír og það svona lá við að hálsbrjóstsykunum hefði verið pakkað einstaklingslega ofan í nammiskálina áður en henni var pakkað. Þeir pökkuðu líka vel og vandlega inn öllum fjöltengjunum með amerísku tengingunni... mun koma sér mjög vel. Það er meiri pappír ofan í kössunum en hlutir, án gríns. En ég var rosa dugleg að hjálpa, en auðvitað gerir maður aldrei neitt nema af sjálfselsku, minn leynihvati var draslið sem ég pantaði af Amazon í sumar og fékk að geyma í gámnum. Dreif hvern kassann af öðrum opinn og ruslaði öllu upp, bara til að sjá hvað væri ofan í þeim :) en svo kom áfallið. Kassinn minn var nánast fyrstur út og er því aftast og neðst í bílskúrshrúgunni. Bókstaflega í kassa 13 hrúgu 107. Ég er alveg viss um að þetta var með ráðum gert til að þau fengju mig til að hjálpa meira... Ívil kanívil! En þetta var samt bara gaman, er líka hræðilega þreytt núna eftir daginn. Já, það þreytt að ég er barasta farin að sofa. Góða nótt.

crazy or cool?

Mér leiddist það mikið í vikunni að ég bjó til sultu. Is I kurreisí? En hey, get ekki vitað hvort það er skemmtilegt fyrr en ég prófa það... and I´ll tell ya... það er ekkert leiðinlegt að sulta :) Leiðinlegast að týna berin, en ég var úti í röndóttu stígvélunum mínum og með ipodinn svo það var ekki sem verst. Annars er þetta frekar létt :)

Helgarfréttir annars... partý í kvöld hjá Dísu skvísu og svo Nick Cave á morgun. Sjibbíkóla. And what about you?

dinner and a movie

Rakst á þessa mynd í Tiger, hef aldrei séð hana en titillinn og skrifelsið aftan á lofa góðu. Þar sem hún kostaði bara klink ákvað ég að bæta henni í DVD safnið mitt (já Hildur ég veit, ég á við vandamál að stríða). Er að bíða eftir rétta tækifærinu til að horfa á hana, einhver sem hefur áhuga á vídjókvöldi með mér? Popp innifalið. Ætti eiginlega að hafa náttfatapartý... Náttföt, vídjó og frosnar margarítur :)

Annars er lífið gott í Mholtinu. Er bara búin að vera að vinna og tjilla og vera kát. Skrópaði á djamminu seinustu helgi, átti ótrúlega kósý stund á lau kvöldið með sjónkanum, tölvunni og naglalakki. Fékk samt smá sting í djammhjartað að heyra af fjörinu frá Áslu :) Held samt lifrin sé þakklát...

Ég var í mat hjá Áslaugu í kvöld, fékk mega gott lasanja... two thumbs upp og svo skelltum við okkur með Sammio á myndina Börn. Mæli með henni, með betri íslenskum myndum sem gerðar hafa verið. Vildi ég gæti sagt það sama um Jón Pál myndina.... eeeeen ég get það ekki.

Arite, skrefa ekki meira í beli, heyri í ukkur seinna.

mígrenisbakverkjaklumpufótakrampi

hææææ, veit veit... long time no

Minns er byrjaður að vinna aftur, það er ágætt nema húsnæðið okkar er í meikóveri svo við erum í lánshúsnæði, soldið böggin. Núna er ég yfirmaðurinn í mánuð og Áslan er byrjuð að vinna hjá okkur svo ég er yfir henni hahaha... hún verður að vera dugleg að sleikja mig upp :D

En já, ætlaði eiginlega bara að hrinda af stað næsta ANTM sjúkdómaveðmáli. Sjúkdómurinn seinast var nottla crap, bara alkóhólismi, reyndar ein með krabbamein en hún komst ekki áfram... En ég ætla að veðja ááááááá... shjett, dettur ekkert í hug. Hmmm thinky thinky...
ég segi geðklofi!

Hvað segir þú?

OH HAPPY DAAAAYYYY...

IKEA bæklingurinn er kominn í hús!

I can run but I can´t hide

Þá er það offissíalt. Ég er árinu eldri og vonandi vitrari sem samsvarar því. Eitthvað hef ég lært á árinu, ég er alveg viss um það... hvað það var veit ég hinsvegar ekki. En það eru nákvæmlega TÖTTÖGUOGFEMM ár síðan mamma reyndi að skila mér aftur til hjúkkunar með orðunum já en þetta var strákur, ég er alveg vissumða :)

Dagurinn í dag er búinn að vera frábó. Fór í háddara á Vegó, svo í klippingu og hausanudd til Jógvans og svo kom hele familien (f. utan einn svartan sauð) í kaffi. Ég fékk auðvitað þetta týpíska húsmóðurskast og hélt ég væri ekki með nógan mat handa öllum, búin að vera með í maganum yfir því að allir færu svangir heim... YEAH! Það var nóg... and then some. En sem betur fer get ég nýtt það í partýinu. Það var rosa kósí í kvöld, en ég auðvitað gleymdi að taka myndir. Silly me.

Takk fyrir mig allir sem hringdu, smsuðu, emailuðu, kommentuðu, myspeisuðu og komu í dag... ykkur hin sé ég í partýinu ;)

ég nenni ekki að blogga. Skemmtið þið mér í staðinn.

það er svo fyndið...

það er svo fyndið... að horfa á Brokeback Mountain með manneskju sem hefur aldrei heyrt um myndina og veit ekki um hvað hún fjallar. Hey, hvað er að gerast? Hvað eru þeir að gera? What??? Bíddu, UM HVAÐ ER ÞESSI MYND EIGINLEGA???!!!???
Awesome.

Ég fór í Unuhús með Áslu, Hlínster og Hilds að tjilla. Smá svona sumarfrí í miðri viku, góður matur, heitipottur, tjill og sól. Mjög gott. Er núna með nett brennda bringu. En það er líka bara kúl. Rautt er flottur litur!!! :)

Ég býst við að vera í bænum að mestu leiti um helgina, kíki eitthvað aðeins til Unu og vina í bústað ef þau fara... annars að sópa götur bæjarins með hárinu... so to speak.
Hvað ætlar þú að gera um helgina?