blablabla

Hæbbs.
Ég er að fara til Ólafsvíkur á morgun. Shibby! Er að fara með Vali og Sigga og fleira fólki úr ÍTK á ársfund Samfés.... og svo djammerí um kvöldið og sleepover á hóteli. Hlakka mega til, held það verði rosa gaman, allavega um kvöldið ;) Pant ekki keyra heim...

Ekkert að frétta annað svosem, við "parið" erum að reyna að skipuleggja ferð til Manchester í sumarbyrjun. Lítur út fyrir að það takist. Vonandi. Kannski.

Ég endurhorfði á myndina Best in show í gær. Ótrúlega fyndin mynd. Sá hana 2001 úti í Kaliforníu og rakst á hana úti í Snælandi í gær aftur. Ef þið vitið ekki hvaða mynd þetta er þá mæli ég með þið kíkið á hana. Leikin mynd en tekin upp í heimildamyndaformi, fjallar um fólk sem fer með hundana sína á hundasýningu.

Það er svo mikið drasl í herberginu mínu núna að ég veit ekki lengur hvort öll fötin mín séu á rúminu eða ég farin að sofa inni í fataskáp.

Þetta er búið í bili.

Undarlegt blogg.

Segðu mér eitthvað skemmtó í kommentum.

Annars lem ég þig...

...og ömmu þína.

GLEÐILEGT SUMAR!!!

Jibbí jey það er komið sumar... ég er meira að segja búin að ganga frá öllu jólaskrautinu mínu. Eða ok næstum öllu. Tel ljósaseríur ekki með og svo fann ég einn lítinn jólasvein sem Mús á. Hún getur bara gengið frá honum sjálf.

En núna er komið sumar og tími til að plana fríið sitt. So far er ég komin með 3ja daga ferð til Færeyja í sumar. Alveg í stíl við áramótaheitið mitt um að vera ævintýragjarnari ;) Annað ævintýri sem ég er að hugsa um er ferð í hjólabúðina og fjárfesta í einu stykki stelpuhjóli með körfu. Held það sé alls ekki vitlaust, miðað við verðið á bensíni í dag. Já, held það barasta, sumargjöfin frá mér til mín verður hjól. En fyrsta ævintýri sumarsins verður road trip upp í Unuhús. Við Ásla ætlum um helgina, rómantísk helgarferð hjá okkur "parinu". Ætlum að drekkja okkur í heitapottinum augnablik. Reyndar er þetta samkæmt læknisráði, þar sem lifrin á mér er komin í verkfall eftir páskana. Ekki það að ég taki ekki með mér rauðvínsflösku, en er ekki líka alltaf sagt að rauðvín sé svo hollt fyrir æðakerfið? Það er ekki svo oft sem fólk hugsar nóg um æðarnar á sér.

En ég sleppti öllu djammi í gær, var engan vegin í stuði, og þar að auki vissi ég ekki um neinn sem ætlaði ;) Við Ásla leigðum the Aristocrats, heimildamynd um þennan brandara sem endar á orðunum the Aristocrats. Það voru tekin viðtöl við fullt af grínistum og það voru nokkrir sem voru mjööög góðir í að segja brandarann. Sarah Silverman er drullu fyndin, en ég var reyndar búin að sjá hennar útgáfu. En ég held barasta að Bob Saget hafi unnið. Því miður varð ég fyrir vonbrigðum með Eddie Izzard, hann var ekkert sérstaklega fyndinn, en það er allt í lagi, ég elska hann samt. Svo voru pentiljarðar af öðrum grínistum að tala um þennan brandara. Mæli alveg með þessari mynd. Það er líka til heimasíða, www.thearistocrats.com sem ég á eftir að kíkja á.

En núna er kominn pönnsutími þar sem þetta er sumardagurinn fyrsti og amma er í bænum ;) Sumarást og kossar til allra xxx

GLEÐILEGA PÁSKA!!!

vona að páskaeggin ykkar séu stór og gjöful af nammi.

Málshátturinn minn var "enginn er verri þótt hann vökni" og skál fyrir því ;)

Totally addicted to bass

Á einhver bassa og tímir að lána mér hann? Við erum að spá í að henda í eina hljómsveit í vinnunni og vera með atriði á lokakvöldinu í vor, en mig vantar bassa... Ég pantaði að fá að vera the cool bass chick... svo segja líka allir að bassinn sé auðveldur ;) Bassi er eitt af þessum orðum sem verða undarleg þegar maður hefur sagt og lesið nokkrum sinnum. Bassi... Bassi... Bassi... the word´s lost all meaning.
OK takk fyrir þetta, látið mig vita ef þið finnið bassa handa mér, líka ef einhver er að selja ódýrt. Mjög ódýrt...

helvítis danir...

Horfið á þetta

það er allt að verða VITLAUST...

Úff úff... Meduna meðleigjandi flutti út í gær, fékk vinnu í Köben og pakkaði sér saman á einum degi og fór. Það verður erfitt að finna jafn fínan roomie og hana... en ég verð víst að byrja að leita. Það er ein stelpa sem getur kannski leigt hjá mér, þarf að tala við hana, annars verð ég að fara að auglýsa. Held ég ætli að halda mig við útlendinga, eða æji ég sé bara til hvort ég fái eitthvað að vera picky. En ég á eftir að sakna hennar, við vorum orðnar mjög góðar vinkonur en ég býst við að sjá hana í sumar, þar sem hún er búin að bjóða mér á Ólavsvöku í Færeyjum. Þetta er árið... hef ætlað að fara svo lengi og það gefst ekki betra tækifæri held ég.
Svo var mamma að hringja í mig, það var brotist inn til Guðrúnar og Snorra í Kaliforníu í gær á meðan þau voru í vinnunni og gramsað í öllu dótinu þeirra. Tölvur, kreditkort, skartgripir, bankayfirlit, lyklar, sparibaukar og fleira tekið. Þau eru öll í frekar miklu sjokki, nema Baldur sem er svo lítill að honum fannst bara geðveikt stuð að hafa lögguna heima og elti hana á röndum. Þetta voru einhverjir algjörir atvinnukrimmar, engin fingaför, engin skóför og engin vitni... Alveg eins og klippt út úr Law and Order þætti.

svo á Kári bróðir afmæli í dag, hann er orðinn ÞRJÁTÍU ÁRA! Til hamingju með afmælið Kári!!!

Látum oss sjá... hvað annað? Hmm já fór á árshátíð Kópavogsbæjar um seinustu helgi, það var ossa gaman, fór í fyrirpartý, svo á árshátíð, svo reyndar beiluðum við snemma þaðan, komum hingað og vorum með millipartý og fórum svo í bæinn :D Ég var drullusæt með nýtt hár frá Jógvani snillingi. Þið getið kíkt á myndir hjá Áslu.

Svo kíkti ég í afmæli til Danabjánans í gær, það var rosa gaman, ég var samt bara stutt, ætla að hrynja almennilega í það í kvöld svo ég varð að spara mig :)

Shjett hvað þetta er eitthvað lame ass blogg... ég ætla bara að hætta núna... blogga skemmtilega eftir helgi, kem með slúðrið ef eitthvað verður ;) bless í bili...